Awaz News Room

کراچی…رفیق مانگٹ…امریکا کے طالبان کے ساتھ خفیہ مذاکرات ناکام ہو گئے۔مذاکرات اور اجلاسوں کی معلومات افشاء ہونے کے بعدطا لبان مذاکرات کار نظر نہیں آیا۔ابتدائی مرحلے پر بات چیت کی ناکامی سے امریکا میں خوف کی لہر ہے۔ اجلاسوں کی تفصیلات اور مذاکرات میں حصہ لینے والے طالبان کے سربراہ کی شناخت کی تفصیلات جان بوجھ کر افغان حکومت کے کسی پاگل یا خوفزدہ شخصیت نے افشاء کی۔برطانوی اخبارات ’ٹیلی گراف ‘اور’انڈیپنڈینٹ‘ کے مطابق امریکا کے افغان طالبان کے ساتھ مذاکرات اجلاسوں کی تفصیلات کے افشاء ہونے کے بعد ناکامی سے دو چار ہوگئے۔ مغربی سفارت کاروں نے کہا ہے کہ مذاکرات کی تفصیلات فاش ہونے سے امریکا اور طالبان قیادت کے درمیان امن مذاکرات ٹوٹ پھوٹ کا شکار ہو گئے تھے۔

ابتدائی مرحلے میں مذاکرات کے خاتمے سے ایک دوسرے پر الزام تراشی اوردعوے کیے گئے کہ اجلاسوں کی تفصیلات اور مذاکرات میں حصہ لینے والے طالبان کے سربراہ کی شناخت کی تفصیلات جان بوجھ کر افغان حکومت کے کسی پاگل یا خوفزدہ شخصیت نے افشاء کی ۔ایک سال قبل ملا عمر کے سابق پرائیویٹ سیکریٹری طیب آغا اور امریکا کے وزارت داخلہ اور سی آئی اے کے درمیان جرمنی اور قطر میں ہونے والے مزاکرات اور اجلاسوں کو خفیہ رکھنے کی کڑی شرط لگائی گئی تھی۔ان اجلاسوں کی صدارت افغانستان اور پاکستان کے لیے جرمنی کے خصوصی نمائندے مائیکل اسٹینر صدارت کر رہے تھے۔ اخبار کے مطابق قریبی ذرائع کا کہنا ہے کہ یہ مذاکرات امریکااور اس کے اتحادیوں کے طالبان کے ساتھ ابتدائی اعتماد سازی کے اقدامات کے سلسلے میں تھے۔ تاکہ طالبا ن کو راضی کیا جاسکے ۔ انہوں نے مزید کہا کہ طالبان رہنما مذاکرات کرنے سے اس لیے ہچکا رہے تھے کہ ان کے زیادہ تر کمانڈر یہ خیال کرتے ہیں کہ امریکا بات چیت پر آمادگی صرف ان کی تحریک کو تقسیم کرنے کے لئے کر رہا ہے اور خدشہ ہے ان کا امریکا کے ساتھ کسی بھی بات چیت میں شامل ہونا ان کی ساکھ کو بڑے پیمانے پر نقصان دے سکتا ہے۔ جرمنی اور قطر میں مارچ اور اپریل کو ہونے والے دو تفصیلی اجلاس کے بعد صرف تین سیشن ہوئے تھے کہ امریکی اخبار واشنگٹن پوسٹ اور جرمن جریدے در اشپیگل نے ان مذاکرات کی معلومات کا انکشاف کردیا کہ ان مذاکرات میں طالبان کی طرف سے آغا حصہ لے رہے ہیں۔ سفارتی ذرائع کے مطابق اس وقت سے طیب آغاکونہیں دیکھاگیا۔ طالبان کے ساتھ بات چیت ایک بڑا سودا تھا اور یہ حقائق پر مبنی تھے۔ ذریعے کے مطابق امریکا میں لوگ ان مذاکرات کی ناکامی بعد انتہائی خوفزدہ ہو گئے ہیں کہ ایسا کیوں ہوا۔

لندن…سولہ ہزار پولیس اہل کاروں کو تعینات کرکے جیسے تیسے لندن میں لگی آگ پر کسی حد تک قابو پا لیا گیا ہے تاہم دیگر علاقوں میں لگی آگ پر تا حال قابو نہیں پایا جاسکا ، جلاوٴ گھیراوٴ اور لوٹ مار میں کروڑوں پاوٴنڈز کے نقصان کے بعد قائد حزب اختلاف سمیت شہری بھی فوج کی مدد لینے کا مطالبہ کررہے ہیں ،ہنگامہ آرائی کے واقعات میں گرفتار ساڑھے سات سو افراد میں سے ایک سو پانچ افراد پر فردجرم عائد کردی گئی ہے۔ صرف برطانیہ کا دل ہی نہیں جل رہا بلکہ برطانوی عوام کے اندر بھی آگ بھڑک اٹھی ہے ، سخت غصے کے عالم میں سڑکوں پرآنے والے ان شہریوں کا جذبہ بالکل ایسا ہے جیسے وہ اپنے وطن کو دشمنوں سے بچانے نکلے ہیں۔ گریٹ مانچسٹرپولیس کا کہنا ہے کہ شہر میں ہونیوالے ہنگامہ آرائی اور لوٹ مار کے واقعات غیرمعمولی ہیں ،اوران پر قابو پانے کیلیے ہرممکن اقدامات کیے جارہے ہیں ۔ سولہ ہزار پولیس اہل کاروں کو تعینات کرکے جیسے تیسے لندن میں لگی آگ پر کسی حد تک قابو پا لیا گیا ہے لیکن مانچسٹر ، Salford، لیورپول ، نوٹنگھم ، برمنگھم کی صورتحال پر قابو پانا مشکل ہو رہا ہے ،ہنگامہ آرائی میں جن کے کاروبار خاک میں ملادیے گئے انھیں سمجھ نہیں آرہا کہ اب کریں تو کیا کریں۔ ہنگامہ آرائی کیالزام میں ساڑھے سات سو سے زیادہ افراد کو گرفتارکیا جاچکا ہے، جن میں سے ایک سو پانچ پر فرد جرم عائد کردی گئی ہے۔ برطانیہ میں جاری ہنگامہ آرائی اور لوٹ مار کے واقعات پر پولیس اب تک قابو پانے میں ناکام نظر آتی ہے ،ایسے میں قائد حزب اختلاف ایڈ ملی بینڈ کے بعد بعض برطانوی شہریوں نے بھی فوج کی مدد لینے کا مطالبہ کیا ہے

کراچی…عالمی کساد بازاری کے باعث بین الاقوامی سطح پر خام پام آئل کی قیمتوں میں گراوٹ سے مقا می مارکیٹ میں 16 لیٹر گھی و تیل کے کنستر پر 50 روپے سے زائد کی کمی واقع ہوئی۔کراچی ریٹیل گروسرز گروپ کے جنرل سیکرٹری فرید قریشی کے مطابق مقامی مارکیٹ میں ہول سیل سطح پر16 کلو گرام گھی 60 روپے کمی کے بعد 2480 روپے جبکہ تیل کا کنستر 50 روپے کمی کے بعد 2450 روپے کی سطح پر آگیا۔ ان کا کہنا تھا کہ ہول سیل سطح پر گھی اور تیل کی فی لیٹر قیمت میں تین رو پے سے زائد کی کمی واقع ہوئی ہے۔ بین الاقوامی سطح پر معاشی سست روی کے باعث خام پام آئل کی قیمت 988 ڈالر فی ٹن پر آگئی جو رواں سال کی کم ترین سطح ہے۔

کراچی… رفیق مانگٹ…شمالی وزیرستان میں ہونے والے ڈرون حملے میں21افراد ہلاک ہو گئے۔امریکی نشریاتی ادارے’اے بی سی نیوز‘اور ایرانی نشریاتی ادارے’پریس ٹی وی‘ کے مطابق ایک امریکی ڈرون نے افغان سرحد کے ساتھ قبائلی علاقے شمالی وزیرستان دو میزائل فائر کیے جس میں مبینہ طور غیر ملکیوں سمیت 21عسکریت پسندوں ہلاک ہو گئے ہیں۔ میر ا ن شاہ کے مشرق میں تین کلومیٹر دور گوراقبرستان میں ایک گھر اور ایک گاڑی کو میزائلوں سے نشانہ بنایا گیا ہے، یہ گھر طالبان اور القاعدہ کا گڑھ بتایا جاتا ہے۔ حکام کا کہنا ہے کہ دو امریکی ڈرون حملوں میں21شدت پسند ہلاک اور متعدد زخمی ہو گئے ہیں،ہلاک ہونے والوں میں ازبک اور عرب شدت پسند بتائے جا تے ہیں ۔ایرانی ٹی وی کے مطابق حملہاس وقت کیا گیا جب گھر میں لوگ سحری کر رہے تھے، ہلاک ہونے والوں میں تمام مقامی قبائل لوگ ہیں۔ابتدائی رپورٹس کے مطابق ابھی تک کسی ہائی ویلیو ٹارگٹ کے ہلاک ہونے کی مصدقہ اطلا ع نہیں ہے تاہم برطانوی نشریاتی دارے نے حکام کے حوالے سے بتایا ہے کہ ہلاک ہونے والے شدت پسند افغان کمانڈر جلال الدین حقانی گروپ کے بتائے جاتے ہیں۔شمالی وزیرستان میں کچھ عرصے سے ڈرون حملوں میں کمی واقع ہوئی تھی ۔

لندن…برطانیہ کے علاقے برمنگھم میں لوٹ مار اور فسادات کے دوران اپنی کمیونٹی کوبچانے والے تین شہری، لٹیروں کی کار کی ٹکر سے ہلاک ہو گئے ہیں۔ اطلاعات کے مطابق برمنگھم میں لوٹ مار کے واقعات کے دوران شہری کمیونٹی نے اپنی املاک کو بچانے کا خود بیڑا اٹھایا ہو ا تھا کہ اسی دوران لوٹ مار کرنیوالوں کی گاڑی نے حفاظت پر مامور ان نوجوانوں کو ٹکر ماردی جس کے نتیجے میں تینوں بری طرح زخمی ہوگئے اور اسپتال پہنچ کر جانبر نہ ہوسکے۔ ادھر سولہ ہزار پولیس اہل کاروں کو تعینات کرکے جیسے تیسے لندن میں لگی آگ پر کسی حد تک قابو پا لیا گیا ہے تاہم دیگر علاقوں میں لگی آگ پر تا حال قابو نہیں پایا جاسکا ، جلاوٴ گھیراوٴ اور لوٹ مار میں کروڑوں پاوٴنڈز کے نقصان کے بعد قائد حزب اختلاف سمیت شہری بھی فوج کی مدد لینے کا مطالبہ کررہے ہیں ،ہنگامہ آرائی کے واقعات میں گرفتار ساڑھے سات سو افراد میں سے ایک سو پانچ افراد پر فردجرم عائد کردی گئی ہے۔ صرف برطانیہ کا دل ہی نہیں جل رہا بلکہ برطانوی عوام کے اندر بھی آگ بھڑک اٹھی ہے ، سخت غصے کے عالم میں سڑکوں پرآنے والے ان شہریوں کا جذبہ بالکل ایسا ہے جیسے وہ اپنے وطن کو دشمنوں سے بچانے نکلے ہیں۔ گریٹ مانچسٹرپولیس کا کہنا ہے کہ شہر میں ہونیوالے ہنگامہ آرائی اور لوٹ مار کے واقعات غیرمعمولی ہیں ،اوران پر قابو پانے کیلئے ہرممکن اقدامات کیے جارہے ہیں ۔ سولہ ہزار پولیس اہل کاروں کو تعینات کرکے جیسے تیسے لندن میں لگی آگ پر کسی حد تک قابو پا لیا گیا ہے لیکن مانچسٹر ، Salford، لیورپول ، نوٹنگھم ، برمنگھم کی صورتحال پر قابو پانا مشکل ہو رہا ہے ،ہنگامہ آرائی میں جن کے کاروبار خاک میں ملادیئے گئے انھیں سمجھ نہیں آرہا کہ اب کریں تو کیا کریں۔ ہنگامہ آرائی کے الزام میں ساڑھے سات سو سے زیادہ افراد کو گرفتارکیا جاچکا ہے، جن میں سے ایک سو پانچ پر فرد جرم عائد کردی گئی ہے۔ برطانیہ میں جاری ہنگامہ آرائی اور لوٹ مار کے واقعات پر پولیس اب تک قابو پانے میں ناکام نظر آتی ہے ،ایسے میں قائد حزب اختلاف ایڈ ملی بینڈ کے بعد بعض برطانوی شہریوں نے بھی فوج کی مدد لینے کا مطالبہ کیا ہے ۔

سعودی عرب نے شام سے اپنا سفیر واپس بلا لیا۔ ذرائع ابلاغ کے مطابق شام میں حکومت مخالف مظاہرین کے خلاف سیکیورٹی فورسزکی کارروائیوں میں50 افراد کی ہلاکت کے بعد سعودی عرب نے اپنے سفیرکو واپس بلا لیا ہے جبکہ سعودی شاہ عبداللہ نے شام کی حکومت پر زور دیا ہے کہ وہ قتل وغارت بند کرے اس سے پہلے کہ بہت دیر ہوجائے۔ انہوں ے کہا کہ سعودی عرب کیلئے شام کے حالات قابل قبول نہیں۔

ترکی شہریوں کیخلاف کریک ڈاؤن کے خاتمہ کیلئے شام پر دباؤ ڈالے،امریکا

سونالی باندرے نے کہا ہے کہ فلم ”سرفروش“ کا سیکوئل بننا چاہئے۔ ممبئی میں میڈیا سے گفتگو کرتے ہوئے ماضی کی معروف اداکارہ سونالی نے کہا کہ 90کی دہائی کی سپر ہٹ فلم سرفروش کا دوسرا حصہ بننا چاہئے کیونکہ اس فلم میں انہیں اورعامر خان کو مداحوں سمیت فلمی حلقوں نے بہت پسند کیا تھا ۔ انہوں نے کہا کہ وہ مذکورہ فلم کے سیکوئل میں دوبارہ جلوہ گر ہونے کیلئے بھی تیارہیں۔ واضح رہے کہ اس سے قبل اداکار عامرخان بھی مذکورہ فلم کا سیکوئل بنانے کا عندیہ دے چکے ہیں۔

کراچی…کراچی اسٹاک ایکس چینج میں ہفتے وار کاروبار کے آغاز پر کاروباری سرگرمیاں محدود رہیں اور انڈیکس گیارہ ہزار چارسوپوائنٹس کی سطح عبور کرگیا۔پیر کوکاروبار کا آغاز مندی سے ہوا اور ٹریڈنگ کے دوران انڈیکس گیارہ ہزار 70 پوائنٹس کی سطح پر بھی جاتے ہوئے دیکھا گیا۔ مگر سرکاری مالیاتی اداروں کی جانب سے انرجی اسٹاک میں خریداری نے مارکیٹ کو سہارا دیا۔کاروبار کے اختتام پر کے ایس ای 100 انڈیکس29 پوائنٹس اضافے کے ساتھ گیارہ ہزار404 پوائنٹس پر بند ہوا جبکہ کاروباری حجم دس کروڑشیئرز رہا۔ سب سے زیادہ کام پی ٹی سی ایل کیشیئرز میں ہواجس کی قیمت بغیر کسی تبدیلی کے 10 روپے 57 پیسے رہی۔دوسری جانب کے ایس ای تھرٹی انڈیکس 46 اضافے کے ساتھ دس ہزار815 پوائنٹس پر بند ہوا۔تجزیہ کاروں کے مطابق مارکیٹ میں اتارچڑھاوٴ کا یہ سلسلہ مزید ایک دو دن جاری رہ سکتا ہے۔

سنگاپور…امریکا میں جاری معاشی عدم استحکام اور سونے پہ سہاگہ کریڈٹ ریٹینگ میں کمی نے اج خام تیل کی قیمت مٹی میں ملا دی جبکہ سونا اور چاندی مزید چمکنے لگا۔ ایشیاء مارکیٹس میں ٹریڈنگ کے آغاز پر حصص بازار ،اور خام تیل مندی کی لپیٹ میں جبکہ سونامزید مہنگا ہوگیا۔ جاپان کے نکئی انڈیکس میں آج 2 فیصد کمی دیکھی گئی جس میں پچھلے ہفتے ویسے ہی 5.4 فیصد کی کمی ہو چکی تھی جو کے مارچ2011 میں آنے والے زلزلے کے بعد انڈیکس میں سب سے بڑی گراوٹ ہے ۔آسٹریلیا کا ای ایس ایکس انڈیکس میں 2.5فیصد کمی جبکہ ساوٴتھ کوریا کے کوسپی میں 5.1فیصد اور ہانگ کانگ کے ہینگ سینگ انڈکس میں 4 فیصد کمی دیکھیگئی اور کراچی اسٹاک ایکسچینج کا 100 انڈکس ٹریڈنگ کے دوران 300 پوائنٹس نیچے جانا دیکھا گیا۔ سونا 1700 ڈالر تاریخ کی بلند ترین سطح پر جاتے دیکھا گیا جبکہ چاندی 4.5 فیصد اضافے کے بعد 40 ڈالر پے دیکھی گئی ، خام تیل میں آج 3.6 فیصد کمی دیکھی گئی۔